TV Koha transmeton në sinjal video krejtësisht në formatin dixhital. Montimi i materialeve bëhet në pika digitale jolineare ( Pinnacle Liquid Edition, Liquid Silver, Matrox etj) kryesisht Pinnacle dhe me komunikim të vazhdueshëm nëpërmjet rrjetit nga regjia e trasmetimit për trasmetim.
Audio përpunohet në aparatura profesionale, duke filluar që nga kronikat më të thjeshta e deri tek siglat e ndryshme, bazat muzikore si dhe gjithçka që i përket zërit.
Kualiteti i sinjalit niset që nga xhirimet në terren. Kamerat që përdoren janë të gjitha formati DV CAM dhe janë prodhime të kompanisë prestigjioze SONY ( DV CAM 570, DV CAM 390PK ). Në studio përdorim kamerat SONY DXC-D50 PH 2/3”.
Aktualisht operojmë me dy regji të lëvizëshme.
E para e kompletuar me kamera JVC KY19 që mbulojmë trasmetime të ndryshme ( lidhje të ndryshme direkte nga vendi i ngjarjes, spektakle, evelimente sportive etj.)
Regjia tjetër e lëvizshme është e kompletuar me 8 kamera dixhitale që punojnë 4:3 dhe 16:9. Me këtë në mbulojmë çdo trasmetim televiziv nga spektaklet e mëdha e deri në evelimentet sportive ndërkombetare duke qenë në parametrat teknike të lejuara për këto trasmetime. Sistemi është komplet digital.
