“Dje duhet ta kisha vrarë mamanë dhe motrën time, por në vend që ta bëja, hëngra gjysmë torte me limon dhe qava”.
Kështu fillon historia e Lusias, një 30 vjeçare me disa kilogramë të tepër, e cila jeton vetëm, paguhet pak, ka një mama të padurueshme dhe një motrë të vogël e cila duket e përkryer.
Gjatë në darke familjare, Irina, mitra e saj, lajmëron të tjerët se do të martohet. Ajo që fillon si një festim për Lusia, kthehet në një zhgënjim total, kur dëgjon një bast që mamaja e saj vë bashkë me Irinën. “Lusia me siguri do të vijë vetëm, e shëndoshë dhe e veshur me të zeza në dasmën tënde. Por nëse vjen me një të dashur normal, do të ta paguaj unë festën e martesës.”

Duke filluar nga ajo ditë, Lusia i vë si kusht vetes t’i tregojë mamasë së saj që ajo s’është dështake. Ajo vë në jetë një plan. Ka 258 ditë për të gjetur një të dashur. Këtu fillon edhe radha e kandidatëve të mundshëm. Pas dështimesh të shumta dhe të njëpasnjëshme, Lusia konfirmon se sado që të ketë dëshirë, ajo s’do të mund të dashurohet me ndonjë nga ata kandidatë. “Dua Burrë” tregon për problemet dhe vështirësitë me të cilat duhet të përballet protagonistja jonë, për të gjetur “dashurinë e jetës së saj”. Vazhdimësia janë vetëm takime të dështuara, kandidatë qesharakë dhe beqarë me të cilët s’do të lidhet, sepse e bëjnë të ndjehet e dështuar.
Kjo komedi do të na bëjë të qeshim me veshjet e Lusias, fiksimin e saj pas ëmbëlsirave, të dielat në pizhame dhe, mbi të gjitha, komentet e Manuçës, mamasë së saj, për të cilën e rëndësishme është vetëm pamja e jashtme, suksesi dhe të qenit e elegante.
Gjithashtu mund të vëzhgojmë edhe botën ku punon Lusia, redaksia e “Korrieri”, një gazetë mediokre ku protagonistja jonë punon, dhe personazhet qesharakë që e shoqërojnë çdo ditë.
Lusia ndjehet e vetmuar dhe e diskriminuar nga mamaja e saj, nga shoqet e saj të martuara, nga ato që anë fëmijë, nga meshkujt e martuar, nga beqarët simpatikë dhe nga bota në përgjithësi. pikërisht për këtë arsye, për të fituar bastin që ka vënë mamaja e saj, ajo do të mundohet të kapet pak kandidatësh që s’ia vlejnë, derisa të zbulojë që s’mund ta mashtrojnë.
Lusia do të fillojë një kërkim të pandalshëm dhe tragjikomik, i cili do ta bëjë të njohë më mirë veten dhe të tregojë pakutueshmërinë e disa paragjykimesh shoqërore. Por, mbi të gjitha, ky kërkim do t’i tregojë se dashuria e jetës së saj mund të jetë më pranë nga sa ajo mendon. Vetëm nëse është e verbër dhe s’arrin ta shikojë.